Netflix-in '3 Body Problem' siam nan USD mtd 233 chuang seng

Netflix chuan science fiction series, nikum March thlaa a tih chhuah '3 Body Problem' siamna atan khan USD mtd 233.1 a seng tih a sawi. He series hi kum 2024-a Netflix original series en nasat ber zingah a tel pha a ni.

He series hi episode riat awmin, episode khat tan hian USD mtd 29.1 zel sang ang an ni a, hei hi a tira an lo ruahman lawk aiin 45.7% zetin a tam a ni. Hei vang hian '3 Body Problem' hi Netflix show zingah episode khata sum sen tamna ber a ni zui bawk. Kum 2008-a Hugo Award dawngtu, Chinese computer engineer Liu Cixin novel behchhana siam, 3 Body Problem hi Games of Thrones showrunner, David Benioff leh D.B. Weiss te siam niin Jovan Adepo, Liam Cunningham, Eiza González, Rosalind Chao te an chang a ni.