'Friends' changtuten kum tin sum tam tak la hlawh zel

TV show lar, kum 2004-a tawp 'Friends' chu a show tawpna pawh a rei tawh viau chungin a changtute chuan kumtin a rerun aṭangin sum tam tham tak an la lakluh belh zel.

'Friends' hi season 10 thleng awmin,episode 236 a awm a ni. Tun thlengin khawvel ram hrang hrangah he show hi pek nawn a la ni reng a, mi maktduai telin an la en a ni. Hei vang hian a changtu la damte - Jennifer Aniston, Courteney Cox, Lisa Kudrow, Matt LeBlanc leh David Schwimmer te chuan show an pek nawna sum hmuh aṭanga percentage eng emaw zat an la chang. A changtu zinga pakhat, Matthew Perry chu kum 2023 khan a lo boral tawh a ni. 'Friends' changtute hian Season 1-ah khan episode khatah USSD 22,500 zel an hlawh a, mahse show tawp lam hnaihah kha chuan episode khatah USD mtd 1 zel an hlawh pha tawh nia sawi a ni.