Gujarat sorkarin school-a mobile phone hman khap dawn

Gujarat sorkar chuan smartphone leh social media-in a ṭha lo zawnga naupanga nghawng a neih ṭhin tih ziaawmna turin kaihhruaina dan siam a tum.

Zirlai naupangten hriselna ṭha zawka an neih theihna tur outdoor activity-ah hun an hman theihna atan leh, an zirna an ngaih pawimawh zawk theihna turin Gujarat sorkar chuan screen time tih tlem sak a tum. Education minister Praful Pansheriya chuan mi thiamte an biakrawn hnuah dan thar hi tih chhuah a, khauh taka kenkawh an tum thu a sawi. Primary school bikah chuan mobile phone hman khap tura hriattirna pawh an tih chhuah tawh thu a sawi bawk. Gujarat sorkarin a dan thar siam hi a tih chhuah chuan India ramah hetianga kaihhruaina dan siam hmasa ber sta te a ni ang. Education department chuan zirtirtute chu naupangten lehkha chhiar leh infiamna lam an uar theihna tura kaihhruai dan turte a hrilh dawn a ni. Nu leh pate pawh an fa, naupang zawkte hmuh laia social media lam khawih lo turin state sorkar chuan a ngen bawk.