Praise On judge tur a hriat ta

Synfo-in KṬP Branch te zaia intihsiakna tur, Praise On a buatsaih turah judge tur pali an awm dawn a, chungte chu Liandingpuii, Upa Vanlalvuana leh Lalrinfela te an ni ang.

Nizan khan Praise On neihna hmun tur Mission Veng Kohhran Hall-ah Pathian hnena he hun leh hmun hlan inkhawm buatsaih a ni a, hetah hian judge turte pawh hi puan chhuah nghal a ni.

Liandingpuii hi kan hria a, Mizoram dung leh vanga fakna hla sain a lo hlawhtling tawh a, a zai hun chhungin music-ah chawimawina tam tak a lo dawng tawh a ni. Upa Vanlalvuana hi zai leh hla phuah mai bakah, hla lehlin thlengin a khawih a, a hming kan hre lar hle; Synod Choir Conductor pawh a lo ni tawh ṭhin. Lalrinfela hi Tekawka tia koh a ni a, Music Home neitupa, music lama tawn hriat ngah a ni bawk.

Parise On neihna tur hmun, Mission Veng Kohhran Hall-ah Thawhlehni zan hian hlanna hun hman a ni dawn. Praise On hi Lunglei, Serchhip, Aizawl, Champhai, Kolasib leh Mamitah te first round neih a ni ang a, judge pawh mi hrang hrang ruat an ni tawh. He intihsiaknaa tlingte hi Second Round intihsiakna, Mission Veng Kohhran Hall-ah an inlan leh ang a, hemi round aṭangin Lindingpuii, Mavuana leh Tekawka te hi judge an ni tawh ang.