Delhi LG-in file ennawn leh vek a tum

Delhi Lieutenant Governor Najeeb Jung chuan Delhi sorkar hnuaia department hrang hrangte hnenah kum khat leh a chanve liamta aṭanga a remtihpuina tel loa thutlukna siamte ennawn leh vek tur leh, heng file-te hi a office-a thawn let leh vek turin a hriattir.

Delhi High Court-in Delhi khawpuia administraive head chu lieutenant governor a nih thu leh, Delhi sorkar-in a duh dan anga ro a rel tir theih a ni lo tih a sawi hnuah LG hian hriattirna hi a tichhuak a ni.

Delhi sorkar official chuan High Court thutlukna siam chungchang hi AAP sorkar chuan Supreme Court-ah thlen an tum tih a sawi.

Thawhṭanni-a Delhi chief secretary hnenah lehkha a pekah, LG chuan High Court thupek tihchhuah vang khan department hrang hrangten thutlukna an lo siam chu LG pawmpui hi an ngaih avangin tihfel a ngai niin a sawi. LG chuan a pawmpuina lo chuan department-te chuan order an tihchhuak thei lo tih a hrilh bawk.