Cameron Diaz-i'n lemchan lama a kir leh chhan sawi

Hollywood star Cameron Diaz chuan kum 10 dawn lemchan lam a chawlhsan hnuah, a film thar 'Back in Action' chu Zirtawpni, January 17 hian Netflix-ah tih chhuah a ni dawn a, he film-ah hian Jamie Fox nen an chang dun a ni.

Cameron Diaz chuan hun rei tak lemchan khawvel a chawlhsan hnua a rawn kir lehna chhan sawi pakhat hi chu Jamie Foxx a nih thu a sawi. "Lemchan lamah ka kir leh a nih chuan Foxx ka chanpui theih dawn chauhin ka ni ang tiin ka lo ngaihtuah ṭhin. A hma pawhin hun remchang pawh ka nei a, mahse ka lo hnar zel a ni," tiin Foxx nena chandunna tur remchang a neih chu a kir lehna chhan a nih thu a sawi. Lemchan lam a chhunzawm leh zel dawn em tih pawh a sawi theih loh thu a tarlang bawk. Anni pahni hi 'Any Given Sunday' leh 'Annie' ah an lo chang dun tawh a, kum 2024-a chhuak 'Annie' hi film lam a chawlhsan hmaa Diaz channa film hnuhnung ber a ni.