The Weeknd in a concert neih tur ṭhulh

The Weeknd, a hming tak Abel Tesfaye chuan January 25-a Pasadena, California-a Rose Bowl Stadium-a concert a neih tur chu Los Angeles-a ram kang thleng mek avangin a ṭhulh. Hei bakah January 24-a a album thar, 'Hurry Up Tomorrow' tlangzarh a tum pawh January 31-ah a sawn hla bawk.

Concert a ṭhulh tur thu hi The Weeknd chuan social media-ah post-in, kangmei chhuak nasa tak tuartute a rilruah a hriatreng thu sawiin, harsatna tawkte chhawmdawlna kawngah pawh a theihtawp a chhuah ve tur thu a sawi bawk. Los Angles ram kang nasa tak avanga nunna chan hi mi 24 an tling tawh a, chin hriat lohin mi 16 an awm bawk. Kangmei chhuak hian in leh building 12,000 chuang a kangchhe tawh a ni. Concert a neih tumna hmun, Rose Bowl Stadium hi Pasadena Police leh Fire department chuan emergency response centre atan an hmang bawk a ni.