MJ aiin Kanye West a ropui zawk!

Miin mawl tiin an sawisel ṭhin tak nain music khawvelah chuan Kanye West hi a ropui tho tho. King of Pop tia sawi ṭhin Michael Jackson ai pawhin Kanye West hi tunah chuan a ropui tawh zawk.

Sum ngah leh hmelṭhat lamah chuan Michael Jackson aia a ropui zawk leh zawk loh a hriat loh a, mahse music khawvela hlawhtlinna kawng pakhatah chuan Michael Jackson hi a kh˚m ta phawt. Billboard single chart, Billboard Hot 100-ah Michael Jackson aiin Kanye West hi a lang hnem ta zawk.

Kar liam ta khan Billboard Hot 100-ah a hla 'That Part' chu 40-naah a lang a, Michael Jackson a khum ta chiah a ni. A hmain MJ nen hian top 40-a lang thei hla 39 ve ve an nei ṭhin a, Michael Jackson hian music thar a neih tawh hmel si loh a (a hla la tihchhuah loh emaw siam thar leh a awma an tichhuak leh te a nih loh chuan), Kanye West hian a khum chho zel dawn a nih hmel.