Tom Cruise Puithiam aiah Scientology

Mission Impossible chu khawvela movie hlawhtling pawl a ni hlawm a, Top Gun, a film chan hmasa lam lah kha tun thlengin en a la hlawh. Movie mai bakah mi tam takin Tom Cruise an hriat larna chu Scientology Kohhran a ni hi a ni.

Scientology Kohhran mi a nih avang hian nupui pawh a nei hlei thei lo a ni ber mai a, he sakhua avang hian nupui pahnih a ṭhen tawh a ni. Hetiang hi tunah ni mah se, a tir lamah chuan Catholic puithiam nih a chak ṭhin. Catholic puithiam nih a chak em em ṭhin a, tichuan puithiama luh theihna chance pawh a nei. Puithiam tur chuan Tom Cruise chu a inzir ta a, mahse rei a zir lo. Uaiin a awt thlu ngang mai a, a ru ta nge nge a ni. Hemi avang hian puithiam zirna hmun aṭang hian an hnawh chhuah phah.

Puithiam lama a kal theih tak lohah chuan movie lamah a lut a, a hlawhtling ta em em mai a, chu≠tihrual chuan a taksaah a naupan lai aṭanga a harsatnain a la bawh buai reng thung. Kum sarih mi lek a nih≠in dyslexia a nei tih hmuhchhuah a ni. Dyslexia neite chuan lehkha zir an harsat a, spelling te an thiam thei lo hle. Thil dang zawng zawng≠ah pangngai vek mah se, lehkha chhiar≠te an harsat a, an len fe hnuah pawh lehkha chhiar an bahlah nasa hle. Hetiang mi hi Cruise hi a ni. Mahse tunhnai lawk khan he a harsatna hi a hneh niin a insawi.

Movie a chan reng rengin thil tam takah stuntman rawih a duh ngai lo a, amah ngeiin a ti
ṭhin. Mission Impossible: Ghost Protocol-a Burf Khalifa-a a inkhai te kha, a channaah pawh stuntman ruai loin amah ngeiin a ti. Jack the Reacher-ah te khan car kha chak leh thiam tak takin a khalh a, khangah te khan stunt a ruai miah lo, amah vekin a khalh a ni.

Hetiang mi hi a nih avangin Iron Man chang tur pawh khan an bia a, mahse eng emaw avangin a chang leh lo a, Robert Downey Jr. chuan a chang ta a ni. Hlawhtlingin lar mah se, mi tam takin anmahni lem toys an siamtir a, an hralh chhuah ang hi a duh hauh lo thung.