Tommy Lee-a'n LA chhiatna thlen laia tour neite a sawisel

Motley Crue drummer, Tommy Lee chuan Los Angeles-a ram kang avanga chhiatna nasa tak a thlen mek laia artist ṭhenkhat, album promote leh tour neite chu a sawisel.

Tommy Lee chuan mi ṭhenkhat chuan chhiatna rapthlak tak thleng mek chu an social media post ah chauh pawi an ti a ni tiin heng mite hi a ei loh thu a sawi. Mi tam takin chhiatna nasa tak an tawh mek laiin tumahin artist-te album tih chhuah leh concert neih turte chu an ngaihtuah lo tih sawiin, heng mite hi an thiltih hi chawlhsan a, ṭanpui ngaite puih dan ngaihtuah zawk turin a ti. Hetih lai hian LA kangmei chhuak vang hian artist tam tak chuan an programme neihte an ṭhulhin an sawn hla a ni.