Cancer natna lakah Kate Middleton a fihlim ta

Princess of Wales, Kate Middleton chuan thla eng emaw zat enkawl a nih hnuah cancer natna lak aṭangin a fihlim ta tih a puang.

Nikum March thla khan Princess of Wales hian a cancer thu hi a puang a, chemotherapy te lain enkawl a ni a, September thla khan chemotherapy hi a la zo a ni. Thawhlehni khan treatment a lakna, London khawthlang lama Royal Marsden Hospital chu tlawhin, thawktute hnenah lawmthu sawiin, he damdawi-ina cancer vei enkawl mekte a kawm nghal bawk. Kate chuan cancer natna enkawl chu thil hrehawm tak a nih thu a sawi rualin, an hma lamah hun eng tak a awm reng a ni tiin damlote hi a hnem a ni. Treatment a lak zawh hnu hian Kate hi a royal duty lamah a inlan chho leh ṭan a, Rembrance Sunday leh Westminster Abbey-a Christmas carol concert-ah pawh a inlan a ni.