'Jesus, take the wheel' Country hla ṭha berah an thlang

Kum 2005 chhoa Carrie Underwood-i'n a hlawhtlinpui em em hla, Kristian hla ṭha tak mai, 'Jesus, take the wheel' chu country hla ṭha berah thlan a ni.

Carrie Underwood, American Idol aṭanga khawvelin a hriat hian he hla single-a a tih≠chhuah hnuah a hlawhtlin lehzual phah hle a, a hla hi chart-ah te pawh hmun ropui tak tak a luah a nih kha.

Taste of Country-in Top Country Songs of the Century a thlanah Underwood hla hit 'Jesus, take the wheel' chu hla ṭha berah thlan a ni. 'Jesus, take the wheel' hi a tirah tak chuan Lady Antebellum sak tura tih a ni a, record pawh an record hman teuh hle a, mahse an ṭhulh leh hnuah Carrie Underwood hian a sa a, amah a zaithiam bawk nen, a hlawhtling ta hle a ni.

Taste of Country hian country hla ṭha an thlan chhuahte hi ṭum khatah an tichhuak vek lo a, ni tin pakhat an tichhuak zel dawn a ni. He list-ah hian Kenny Chesney leh Alan Jackson te hian hla pakhat aia tam an nei nia tarlan a ni.

Jesus' take the wheel

τ Brett James, Hillary Lindsey leh Gordie Sampson te phuah a ni

τ Billboard Hot Country Songs-ah a zawnin chawlhkar ruk chhung pakhatna a ni thei

τ He hla avang hian Underwood hian Grammy-ah Best Female Country leh Best Country Song te a lak phah

τ US-ah ringawt he hla hi copy 2,473,000 zet a hralh