Wonder Girls an ropui

July thla chhunga America-a K-Pop video en nasat ber chu Wonder Girls hla 'Why so lonely' a ni.

Kum eng emaw chen an chawlh hnua Wonder Girls single video dah chhuah pahnihna 'Why so lonely' hi July thla chhung khan US-ah YouTube aṭanga K-Pop video hrang hrang zinga entu ngah ber a ni.

'Why so lonely' hi US-ah chauh ni loin Korea-ah pawh a lar hle a, South Korea chart-ah pawh pakhatna a luah a, US Billboard K-Pop chart-ah pangana hial a thleng thei a ni. US chauh ni loin he hla hi khawvel pumah pawh July thla chhunga entu ngah ber a ni.

NCT 127 hla 'Fire Truck' chu entu ngah ber dawttu a ni a, Seventeen hla 'Very Nice' chu pathumna a ni. GFriend music video 'Navillera' chu palina niin, Beast hla 'Riboon' chu panganaah a awm.