Tyga manna tichhuak

Kylie Jenner bialpa, Tyga chu Santa Monica, California-a court hmaa inlan tura tih nia a inlan loh avangin Thawhlehni khan amah an man theihna tur thupek an tichhuak. Tyga hi a hmaa a in luahna ṭhin, Gholamreza Rezai chuan a in luah man a pek loh vang te, a in luah a tihchhiat avang≠tein USD 480,000 chawi turin a phut a, chumi avang chuan court-a inlan tur a ni. Mahse court-a a inlan loh avangin court chuan a ngaihtuah a, manna thupek hi a ti≠chhuak ta a ni.

Rezai-a dan hre mi rawih chuan court-a inlan tura tih ni hian Tyga chuan a bialnu, Keylie Jenner hnenah a pian champha phak lawmpui nan Mercedes Maybach, USD 189,000 man a pe niin a sawi. Rezai hian kum 2012 khan thubuai a thehlut tawh a; Tyga hian Malibu, California-a a in kum khat luah man, USD 16,000 a pe lo tih a sawi.