Film hralh kal - The Atheist Delusion

Pathian awm ringlotena Pathian awm an rin theihna tur The Atheist Delusion chu zawrh chhuah a nih chiah aṭangin digital copy an hralh chhuak chak hle. He film-ah hian Pathian a awmzia tarchhuah a ni. YouTube-ah pawh a movie hi dah chhuah a ni ang.

He film executive producer chu Ray Comfort a ni a, "Atheist mi ṭhenkhat - Christopher Hitchens, Ri≠chard Dawkins leh Sam Harris te ziak lehkhabute New York Times Best Seller list-ah an lang a, mahse tunah chuan thil a inthlak mek a ni. Hitchens a thi a, Dawkins hi stroke avangin harsatna a nei mek a, Harris lah chi inthliarna a thlawp nia puh a nih avangin a hming-
ṭhatna a tlahniam mek a ni," a ti. "Hei bakah hian 2016 Reason Rally, Pathian awm ringlotena an buatsaih, mi 30,000 chuang punkhawmna tura ngaihah lah chuan mi 2,000 vel chauh an tel a ni," a ti bawk.

New York Times best seller list zinga mi, Francine Rivers chuan a fak hle a, khawngaihna leh thutaka khat a ni a, a duh hle tih sawiin, thil dang hrim hrimah pawh a hmuhnawm a ni a ti. Actor Kirk Cameron chuan Pathian chanchin ṭha puan darhna film ṭha tak a ni a ti bawk.