2025 BAFTA nomination puang : 'Conclave' leh 'Emilia Perez' langsar

BAFTA Film Awards 2025 nomination chu puan a ni a, 'Conclave' in nomination 12 hmuin, 'Emilia Perez' chuan nomination 11 a hmu bawk.

Los Angeles ram kang nasa tak thleng mek avangin Hollywood lam event neih tur eng emaw zat chu sawn hlat a ni a, mahse British Academy of Film and Television Arts Awards chuan an ram huna Nilaini khan an ruahman lawk angin nominee te hi a puang ta tho a ni. Awards ceremony hi February 16, 2025 hian London-a Royal Festival Hall-ah neih a ni ang.

'The Brutalist' chuan nomination pakua hmuin Anora, Wicked, Dune: Part 2, A Complete Unknown leh Kneecap te chuan nomination pasarih ṭheuh an hmu ve bawk.

Best Film-ah Anora, The Brutalist, A Complete Unknown, Conclave leh Emilia Perez te an in el dawn. Best leading actor-ah Adrien Brody, Timothee Chalamet, Colman Domingo, Ralph Fiennes, Hugh Grant leh Sebastian Stan te chu nominee an ni a, Best leading actress nomination-ah Cynthia Eviro, Kalra Sofia Gascon, Marianne Jean-Baptiste, Mikey Madison, Demi Moore leh Saoirse Ronan te an lang bawk a ni.