Drake-a'n Kendrick Lamar hla vangin UMG a khing

Drake leh Kendrick Lamar te inkar buaina chu a la reh thei lo. Drake hi nikuma Kendrick Lamar diss track, 'Not Like Us' tih chhuah chungchangah record label, Universal Music Group (UMG) lakah defamation case a theh lut.

New York-a US District Court for the Southern District-a case an theh lutah, Drake lawyer-te chuan record label hian hit neih an duh vangin, dik lo taka Drake puhna, pawikhawihtu, kum tling lo it ṭhin tia sawina hla chu an ti chhuak a ni, an ti. Drake chuan UMG hian Lamar hla thu leh a music vidoe-a a lantir dante chu thu dik lo a ni tih an hre vek a, mahse hei hi hnawl duh loin a ti chhuak a, a viral theihna turin an bei zui a, fan te inkarah pawh buaina an ti punlun a ni, tiin a sawi.