Saif Ali Khan-a'n beih a tawk

Bollywood actor Saif Ali KHan chu nimin, January 16 zing khan Mumbai-a a chenna in rawk tum rukru pakhatin chemin a bei a, hliam a tuar. Lilavati hospital-ah zai nghal niin, a ngaihtuahawm lo nia sawi a ni.

Mumbai police-te chuan mi tu tih hriat loh hi zing dar 2:30 vel khan Bandra West-a Saif te chhungkaw chenna inah hian a lut niin an sawi. An awmpui nu pakhat nen an inhnialbuai laiin Saif hi a rawn inrawlh a, rukru nen hian inbei zui a ni. Saif hian a taksa hmun parukah hliam hi a tuar a, hmun hnih hi chu a nasa lo a, hmun khat hi a hnungzangah niin neurosurgeon in a zai nghal niin Lilavati Hospital chuan a tarlang. Bandra police leh Mumbai crime branch chuan he pawikhawihna thleng hi an chhui nghal a, CCTV footage aṭangin building security a paltlang theih dante an zirchiang mek.