Kendall-in Kim thurawn a zawm lo

Mi tam tak a hnua an inchhirna ṭhin tattoo chhut hi an uar viau a, Kim Kardashian pawhin a laizawn Kendall Jenner hian tattoo a chhu ve ang tih a hlau a, chhu lo tur leh, a hnuah a inchhir phah ang tih a hrilh ṭhin a, mahse Kendall hian a u zilhna hi pawm loin Thawhlehni khan New York-ah a ṭhiannu nen tattoo an chhuttir.

Kendall leh a ṭhian, Hailey Baldwin te bakah, Hillsong Church-a a ṭhiante pahnih - Joe Termini leh Harry Hudson te nen New York-ah hian tattoo chhu turin an kal a ni. An ṭhianho hian an kutzunglaiah dot te tak te an chhuttir a, hei bakah Hailey hian a bengah 'g' a chhu bawk. Hailey te pastor fanu, kum hnih mi Georgia chu a thluak a cancer a ni tih hmuhchhuah a ni a, Hailey hian an pastor fanu tan hian a bengah tattoo a chhuttir a ni.