Saif Ali Khan vittu an man

Mumbai police-te chuan Bollywood actor, Saif Ali Khan chenna in lut rua, chema vittu chu nimin zing khan Thane-ah an man. Nimin khan thu zawhfiah turin Mumbai lamah hruai nghal a ni.

Police-ten an man hi Sharifu Islam Shehzad, Bangladesh mi niin dan loa India rama rawn lut a ni. India-a a luh hnuah hming lem, Bijoy Das tiin a invuah a ni. Police-ten an man lai hian Thane-ah kawng sirah a biru a, police-te hian hualin an man a ni. Thu an zawhnaah Shariful hian an luh rukna hi Saif Ali Khan in a ni tih pawh a hriat loh thu a sawi a, mahse police lam chuan hna nei lo a nih vangin, actor chenna in rawk hi a tum lawk nia an ngaihthu an sawi thung. Saif Ali Khan hian chema vihna hliam eng emaw zat tuarin, a spinal cord hnaih takah pawh vih a ni. Lilavati Hospital-ah zai nghalin, a dinhmun a ṭha a, damdawi-in aṭang pawhin chhuahtir a ni thei thuai dawn niin doctor-te chuan an sawi.