Critics Choice Awards neih hun tur ruat thar leh

Critics Choice Awards neih hun tur chu ṭum hnih sawn a nih hnuah tih fel a ni ta.

Show hi a tirah chuan January 14 khan Santa Monica-a neih tura tih a ni. Mahse Los Angeles ram kang vangin January 26-ah sawn a ni a, a hnuah hei pawh hi sawn lehin, February 7-ah neih tura tih chian a ni ta.

Critics Choice Association CEO Joey Berlin chuan show neih hun tur a puan rualin, chhiatna rapthlak tak thleng tuartu leh a nghawngte an tawrhpui thu leh, an tan an ṭawngṭaisak thu a sawi. Show hi ram kang vanga in tam tak a kanchhiat leh, mi tam tak sawnchhuah an ngaih phahna, Pacific Palisades aṭanga hla lo te, Barker Hanger-ah neih a ni ang. A zawna a ṭum thumna atan Chelsea Handler chu host a ni dawn. Kuminah hian show ṭan hmaa darkar hnih awh, red carpet special an pek ṭhin chu pek chhuah a ni lo ang.