Billboard 200 Chart topper chu 'Top'

Billboard 200 chart-ah  American rapper YoungBoy Never Broke Again album thar 'Top' chu no.1 a ni a,  'Shoot For The Stars Aim For The Moon' Pop Smoke chu pahnihna ni lehin pathumna pawh 'Legends Never Die' Juice WRLD bawk a ni leh.

'Top' hi  YoungBoy Never Broke Again studio album pahnihna a ni a, September 11 khan a tlangzarh. Chart-a che ṭhate en hi chuan US lamah khu chuan hip hop/rap lam hi a tlana ber niin a lang.

YoungBoy Never Broke Again hian Atlantic Records kaltlangin 'Top' hi a tlangzarh a, he album-a hla pathum 'All In','Kacey talk' leh 'Callin'-te chu single-in a tichhuak tawh a ni.

Billboard 200 chart-a pakhatna ni thei album pathum a neihna a ni a, a hmain studio album ni chiah lo project pahnih 'AI YoungBoy 2' leh '38 Baby 2'-te chu chart-ah hian pakhatna a lo nihpui tawh bawk.

YoungBoy Never Broke Again hi kum 20 chauh la ni mah se khawthlang lam music scene-ah chuan record a nei ṭha tawh hle a, single-a a tihchhuah hlate pawh a hit ṭhin hle.

NBA YoungBoy album thar hian kar khat chhungin album-equivalent units 126,000 a hmu chhuak hman a, heta ṭanga 19,000 hi album sales aṭangin a ni. US-ah chuan on demand stream-ah stream maktaduai 156.32 vel a nei tawh a, an ngaithla nasa hle tih a hriat theih.

Pop Smoke leh Juice WRLD an dinhmun ngaiah 

Mihang rapper fam ta pahnih Pop Smoke leh Juice WRLD-te chuan 'Shoot For The Stars Aim For The Moon' leh 'Legends Never Die' chu an dinhmun ngaiah an dinpui leh a, heng artist pahnihte hi Billboard 200 chart top 3-ah hian an cham rei tawh hle. Artist langsar tak tak rawn inrawlh ve ṭhin bawk mah se Pop Smoke leh Juice WRLD-te hi top 5 chinah an kual an kual a ni.

Taylor Swift album thar 'Folklore' chu palinaah a la awm a, Swift-i record ṭha tak tak siampuitu 'Folklore' hi US-ah chuan an album ngaihthlak nasat ber pawl a la ni chhunzawm zel. 'Hamilton: An American Musical' chu pangana a ni a, he album hi Billboard 200 chart-ah kar 260 lai a lang tawh.

Marilyn Manson studio album 11-na 'We Are Chaos' chu pariatna a ni a,  album-equivalent units 31,000 vel a hmu chhuak a ni. He album hi Marilyn Manson album Billboard 200 chart-a lang thei 10-na a ni chiah bawk a, a physical copy chu 28,000 vel hralh niin on-demand stream-ah chuan maktaduai 4 vel an stream thung. Manson hian he album-a hla pahnih 'We Are Chaos' leh 'Don't Chase the Dead'-te chu single-in an tichhuak tawh bawk a ni.

1    Top    YoungBoy Never Broke Again

2    Shoot For The Stars Aim For The Moon    Pop Smoke

3    Legends Never Die    Juice WRLD

4    Folklore    Taylor Swift

5    Hamilton: An American Musical    Original Broadway Cast

6    My Turn    Lil Baby

7    Detroit 2    Big Sean

8    We Are Chaos    Marilyn Manson

9    Pray 4 Love    Rod Wave

10    Hollywood's Bleeding    Post Malone