2020 Melham Reality Mizo Story Writing competition result puang
2020 Melham Reality buatsaih, 1st International Mizo Story Writing competition chu Thawhlehni khan Grand Finale neih a ni a, Lalduhawma (Valtea) chu pakhatna a ni.
Grand Finale-ah hian Art & Culture Department Director R. Hmingthanzuala chu khual lian a ni a, Mizo ṭawng humhalh leh kan literature tihhmasawn nana hetiang thawnthu inziahsiak khawvel pum huapa neih chu ṭha a tih thu leh kumtina buatsaih ṭha a tih thu a sawi.
He hunah hian oldiest artist C Dinthanga leh Sailothangi ten kalkhawmte zaiin an awi a ni. Melham reality thawnthu inziah siaka top 3-te hi Mizoram Film Forum chuan film-ah an siam sak dawn a, top 10 chin thawnthu chu a buin tihchhuah sak an ni dawn bawk. Thawnthu 87 lai lutin international competition a nih angin Mizoram mai bakah Manipur leh Myanmar aṭangte pawhin thawnthu thehlut an awm a ni.