Metallica - The Black album Kum 25 a tling ta

Nimin, Zirtawpni kha Metallica album hlawhtling em em, The Black Album an tih, Metallica album (anmahni hmingchawi album) hi kum 25 a tlin champha phak chiah a ni a, Metallica chuan an lawm. The Black Album an tih mai, a k‚wma r˚l inzial lai lem awm, a k‚wm dum tawp hi cover art lamah chuan album cover nalh ber ni lo mah se, khawvela album hlawhtling berte zinga mi.

Black album hi Metallica studio album pangana a ni a, kum 1991, August 12 khan Metallica chuan an tichhuak a, he album-ah hian hla 12 a awm a, tun thlenga an hla lar tam tak hi he album-a mi hi a ni. Enter Sandman, Sad But True, The Unforgiven, Wherever I May Roam, Nothing Else Matters tihte chu he album-a hla lar zual an ni.

US Billboard album chart-ah pakhatna a thlen mai bakah, Australia, Canada, Germany, New Zealand, Norway, Switzerland leh Sweden album chart-ah te pawh pakhatna a thleng hial. US-ah ringawt kum 2012 thleng khan copy maktaduai 16 ngawt an hralh tawh.

Khawvel puma album hralh ṭhat berte zinga mi a ni a, chu mai bakah chuan Nielsen SoundScan-in US-a album hralh zat an chhinchhiah aṭanga (kum 1991 aṭanga) album hralh hnem ber a ni bawk (Shania Twain album 'Come on over' chu pahnihna a ni). Rolling Stone chanchinbu chuan 500 Greatest Album of All Time a thlan chhuahah 252-naah a lang pha.