NFL Super Bowl-ah Adele a zai dawn an ti!

An sawi miau si alawm! National Football League (NFL/ American futbol)-a Super Bowl half time show-ah Adele inlan leh lan loh chungchang NFL hotuten an ngaihtuah niin an sawi.

Nakkum February thlaa NFL Super Bowl neih turah tunge perform tih an ngaihtuah ṭan mek a, zaithiam hming hrang hrang chhawpchhuah zingah Adele pawh a tel niin an sawi. Hemi chungchang tarlangtu chanchinbu hian tunlai khawvelah Adele tluka ropui an awm lo a, chuvang chuan NFL Super Bowl 51-naa perform tur an sawi zingah pawh Adele hming hi a ri zing hle niin a chhuah.

Super Bowl-ah hian Justin Timberlake, Janet Jackson, Beyonce Knowles, Bruno Mars, Michael Jackson, The Rolling Stones, Prince leh Madonna te pawh an lo zai tawh a ni.