Anushka, Shah Rukh nen bawk

Sultan film-ah Salman Khan nen hlawhtling taka an chan hnua Anushka Sharma movie lian tham hmasa leh ber turah chuan Shah Rukh Khan nen bawk an chang dun leh dawn. An chan tur film leh eng role nge an chan dawn tihte engmah an la sawi chhuak duh rih lo.

Kum 2008 khan Anushka Sharma leh Shah Rukh Khan te hi Rab Ne Bana Di Jodi-ah an chang dun a, a hlawhtling hle. Hemi hnu, kum 2012 khan Jab Tak Hai Jaan film an chang dun leh a, hei pawh hi a hlawhtling hle. Anushka Sharma channa a hlawhtling thei hle a, Salman Khan nena an chan dunna, kumina chhuak, Sultan pawh hian cheng vaibelchhe zathum chuang zet sum a lalut a ni.