Priyanka leh Kate Winslet narrator-ah ṭang dawn

HBO Max-in series thar a tihchhuah tur 'A World Of Calm'-ah chuan Priyanka Chopra leh Oscar hial lo dawng tawh Kate Winslet-te chu narrator-ah an ṭang dawn.

Hemi chungchang hi Priyanka Chopra chuan a tarlang a, HBO Max-in an sawm avanga a lawm thu pawh a sawi nghal bawk. Priyanka leh Kate bakah hian Mahershala Ali, Idris Elba, Oscar Isaac, Nicole Kidman, Zoë Kravitz, Lucy Liu, Cillian Murphy leh Keanu Reeves-te pawhin an aw an thawh dawn a, episode hrang hrangah heng milar tak takte hian an aw an thawh ṭhin dawn. October 1-ah hian HBO Max chuan pek chhuah a tum a ni.