One in Christ album hmasa ber 'Ka lawm e, Lalpa'

Tunlaia Gospel group hlawhtling leh lar One in Christ chuan Inrinni khan an album hmasa ber, 'Ka lawm e, Lalpa' tih chu an release.

One In Christ album hmasa ber 'Ka lawm e, Lalpa' tlangzarhna hi Mission Veng Kohhran Hall-ah neih a ni, Upa Dr. H. Lallenmawia'n a tlangzarh a ni. He hunah hian anmahni One In Christ bakah, Lancy Remlalhruaii, Vanlalmalsawmkima, Hlimhlimi, Sawmtea, Nazarene leh Mafaki te an zai. Album hi Manase H. Saphmingthanga'n a preview. He album-ah hian hla 11 a awm a, disc pahnih awmin, pakhat hi music video DVD a ni a, pakhatah audio hlangin a awm. An hla hit tak takte kha he album-ah hian dah a ni.

One In Christ hi kum 2011-a din kha an ni a, an ngaih pawimawh chu kohhran pawl pawl awm loa rawngbawl leh Chanchin Ṭha hril a ni. An innghahna Bible chang hi Marka 16:15 thu kha niin, Chanchin Ṭha puang tura zirtirte thupek kha a ni.

Kum 2013 khan tuna an album hming put chhan hla 'Ka lawm e, Lalpa' tih hla hmangin One In Christ hi Zoram khawvelin kan hre lar
ṭan a, kum 2014 khan 'Ka zinna ram' tih hla hmangin Ṭhazual chart-ah kan hmu leh a, hemi hnu hian 'Ka zai ang' music video pawh a hlawhtling pawl a ni leh thei a ni.

Kuminah 'Ni thar' hla hmangin ropuina thar an rawn chang a, he hla hmang hian kumin April leh May thla khan Ṭhazual chart-ah pakhatna ṭum thum ngawt an luah a ni. Hei bakah hian One In Christ hi Parema album tihchhuah turah hla an sa bawk.

One In Christ-ah hian member pasarih an awm a, chungte chu Rocky Zothanmawia, Elizabeth Lalmuanpuii, Jolie Zorin≠puii, Lalremtluangi, Lal≠ruat≠diki Chhangte, Lal≠rozama leh Alvin Lal≠ruatfela te an ni. Aizawl veng hrang hranga mi, veng inhlat tak tak an ni a, heti chung hian hla zir an ngawrh hle a, kar tin, Zirtawpni zan apiangin hla an zir ṭhin.