Green Day hla thar leh album tur

Green Day chuan kum 2012-a album pathum an tihchhuah hnuah album tihchhuah leh tumin an inruahman mek a, an album tihchhuah tur hi Revolution Radio tih a ni ang. Album tihchhuah tur thu an sawi chhuah rual hian hla thar an tichhuak bawk.

Billie Joe Armstrong chuan album thar an tihchhuah tur thu hi a sawi chhuak a, October 7 hian an tichhuak ang a ti. He album pre-order-te chuan an hla tihchhuah thar hi a thlawnin an download thei ang. Green Day-in hla thar an tihchhuah hi Bang Bang a ni a, America-a tunhnaia mi pawngkah vel aṭanga an phuah chhuah a ni. He hla hi an album thar turah pawh an dah ang.