VMA-ah Rihanna an chawimawi dawn

MTV Video Music Awards sem hunah Rihanna chu Michael Jackson Video Vanguard Award hlan a ni dawn. MTV VMA hi August 28 hian New York-ah sem a ni ang.

Rihanna hian music video hit tak tak a nei hnem tawh a, a single-te a hlawhtling em em ṭhin. Hetianga music khawvela hlawh≠tlinna leh hmingthanna a hlawh avang hian Michael Jackson Video Vanguard chawimawina hi hlan a ni ang. A hmain he chawimawina hi Madonna, Beyonce, Britney Spears leh Kanye West ten an lo dawng tawh a ni.

MTV VMA-ah hian Rihanna hian hlawhtlinna pawh a lo chang nual tawh a, Video of the Year chauh pawh hi kum 2007 khan Umbrella hla hmang leh, kum 2012 khan We Found Love hla hmangin a lo dawng tawh a ni.

Kumin MTV VMA sem turah hian Rihanna hi category pali laiah a lang. Drake nena an sak 'Work' chu category pahnihah a lang a, Calvin Harris nena an siam 'This is what you came for' chu pahnihah bawk a lang. Tunlai hian amah hrim hrim hi a album pariatna 'Anti' tilarin Europe-ah tour a nei mek.