Matty Healy-a'n a album tharah Swift diss track telh dawn

British band, 1975 frontman Matty Healy chuan a album tharah rei lote a lo kawp ve zuai tawh, Taylor Swift a diss-na a dah tel dawn nia sawi a ni.

Taylor Swift hi Joe Alwyn nen an inṭhen hnuah, Matty Healy nen hian rei vak lo an inkawp a, an chungchang hi a album 'The Torture Poets Department' ah a dah tel bawk. Swift hian a ngaihzawng hluite chungchang hi hlaah a siam fo tawh a, John Mayer, Harry Styles leh Taylor Lautner-te chungchang pawh a lo siam tawh a ni. Healy leh a band hian an studio album parukna tur an buaipui mek a, an album tile track "God Has Entered My Body," tihah "Keep your head up Princess, your tiara is falling," tih thute a tel a, hei hi Swift a kahna nia ngaih a ni. Matty hian Swift nen an inlaichinna hi a sawichhuak ngai lo a, inlaichinna a lo neih tawhte hlaa puanchhuah kher a duh loh thu pawh a sawi tawh. Mahse an hla thar tur hi Swift a kahna ngei nia ngaih a ni thung a, hemi chungchangah hian amah chuan sawi engmah a nei lo.