JYP boy group thar KickFlip in debut album ti chhuak

JYP Entertainment leh SBS thawkdunin K-pop boy group an din, KickFlip chuan an ram huna nizan dar 6 khan Gwangjingu, Seoul-a Yes24 Live Hall-ah an mini album hmasa ber, 'Flip It, Kick it!' an ti chhuak.

Group leader, Kyehoon chuan group member pasarihte chuan he hun hi a nghahhlelh thu leh, theihtawpa an inbuatsaih thu sawiin, an hma lam hunah pawh lo thlawp turin mipuite a ngen. KickFlip member-te hi Kyehoon, Amaru, Donghwa, Juwang, Minje, Keiju, leh Donghyun te niin, kum 2016-a SBS survival show, LOUD kaltlangin an group hi din an ni a, kum 10 dawn train an nih hnuah an debut ta a ni. Group member-te hi kum 2004 leh 2007 inkara piang an ni.