Bob Dylan draft lyric USD 500k in hralh

Bob Dylan-a'n kum 1965-a a phuah, Mr Tambourine Man draft lyrics chu US-a lilamnaah USD 508,000 in an hralh.

Lyrics hi lehkha phek hnihah,typewriter-a chhut a ni a, hei hi a final version a la ni lo a, folk-rock legend hian a kutziaka a siamṭhatna lai tur a ziahte pawh a lang. He hla hi Dylan hla hit zinga pakhat niin, Nashville-a a thil neih item 60 an lilam zingah a tel a ni. Lilamnaah hian 1968 oil painting leh 1983 Fender Telcaster electric guitar pawh a tel. 1987 musical drama film,'Hearts of Fire' a Dylan-a Levi's denim jacket hak chu USD 25,000 in hralh a ni bawk. A thil neih hrang hrang an lilamna aṭang hian USD mtd 1 dawn hmuhchhuah a nih thu lilamtute chuan an sawi.