Carrie Underwood-i'n fak a hlawh

Country star, Carrie Underwood chu January 20, 2025 tlaia US President Donald Trump lak luhna a performance avangin fak zui a hlawh hle.

Carrie Underwood hian US Capitol rotunda-a President Trump lak luhnaah 'America the Beautiful' tih hla sain, Armed Forces Choir leh United States Naval Academy Glee Club ten an lo zawm tura tih a ni. Mahse a zai dawn hian sound lamah harsatna awmin, a music track a play theih loh a, hun rei vak lo a ngaihchan hnuah a hangin a zai ta a ni. Mipui awmte chu a hla thu an hriat chuan lo zaipui tura sawmin thiam tak maiin a zai zui ta a ni. A tirah tak chuan Trump-an thu a tiam hmain Underwood hi zai tura tih a ni bawk a, mahse technical issue avangin an sawn hlat sak a, a perform hunah pawh track hi a play theih ta chuang loh a ni. President lak luh hi US Capitol pawnah neih tura ruahman a ni a, mahse khaw vawt lutuk avangin chawpchilh takin in chhungah an sawn a, hei vang hian inbuatsaihna pawh duhthu a sam hman lo nia sawi a ni.

Trump lak luh inkhawm ṭan tirah hian opera singer, Christopher Macchio chuan 'O America' hla sain, inkhawm tawpah national anthem a sa leh bawk.