Whitesnake guitarist John Sykes a thi

British rock guitarist, Whitesnake leh Thin Lizzy band tana lo play tawh, John Skyes chu pum cancer natna avangin kum 65 mi niin a thi tih Thawhṭanni khan a official website leh Facebook page chuan a tarlang.

Sykes hian kum 1983-ah Irish hard rock group, Thin Lizzy zawmin kum 1984 khan Whitesnake band a zawm leh a, album pahnihah langin, an band hla lar tak takte a siampui a, heng zingah hian 'Still of the Night' leh 'Is This Love' a tel. Whitesnake a chhuahsan hnuah ama band din, Blue Murder hmingin album pahnih a ti chhuak bawk. Hemi hnu hian solo in a kal zui bakah, Thin Lizzy a din thar leh bawk. Kum 2009 thleng band-ah hian awmin solo in a kal leh a ni.