Music lamah pawh Suicide Squad bawk

Box office movie hlawhtling, Suicide Squad chu music lamah pawh a hlawhtling a, Suicide Squad original soundtrack chu Billboard 200-ah pakhatnaah a rawn kai chho.

Suicide Squad: The Album hi kar liam ta chhung khan copy 182,000 zet an hralh thei a, heng zinga copy 128,000 zet hi album pangngai a ni a, a dang chu album tlukpui a ni. Kumina movie soundtrack chhuak zinga pakhatna luah thei awm chhun a ni.

Suicide Squad: The Album-ah hian Twenty One Pilot, Skrillex, Rick Ross, Zayn Malik, Kehlani leh Panic te an zai a ni. Kumina OST pakhatna luah thei awm chhun a la nih mai bakah, kum 2015-a The Descendants OST hnua pakhatna luah thei hmasa ber a ni bawk.

Drake-a hlawhtlinpui, 'Views' chu pahnihnaah a la awm thei zel a, kar liam ta chhung khan copy 73,000 lai la hralh thei. Pathumnaah Kristian band hlawhtling, Skillet album thar 'Unleashed' a awm a, chawlhkar kalta khan copy 62,000 an hralh.

Billboard album chart

"Suicide Squad: The Album" Various Artists (182,000)

"Views" - Drake (73,000)

"Unleashed" - Skillet (62,000)

"If I'm Honest" - Blake Shelton (49,000)

"Now That's What I Call Music! 59" - Various Artists (48,000)

"Blurryface" - Twenty One Pilots (46,000)

"Major Key" - DJ Khaled (43,000)

"Encore" - DJ Snake (32,000)

"Anti" - Rihanna (29,000)

"25" - Adele (27,000)