Adele-i'n Super Bowl a hnar

Zaithiam tena zai an ch‚kna, hlawhtlinna ropui leh, hlawhtlin lehzual nana hmun ṭhaa an ngaih, Super Bowl Half Time show-a zai chu Adele chuan a duh hauh lo a, a lo hnar hmak mai.

National Football League hotute chuan NFL Super Bowl Half Time show-a zai turin an sawm a, mahse Adele hian a lo hnar tih Inrinni zana Los Angeles-a concert a neihnaah a puang chhuak.

Adele chuan, "A hmasa berah chuan Super Bowl-ah ka zai dawn lo tih ka puang chhuak a ni. A chhan chu, he show hi music chow a nih loh vang a ni," a ti. Super Bowl 51-na hi February 5 khian Houston, Texas-a NRG Stadium-ah nghah a ni ang.

Hetihlai hian NFL leh a sposor-tu Pepsi lam chuan Super Bowl-a zai tur hian Adele an sawm lo niin an sawi ve thung. NFL leh Pepsi te chuan joint statement an siam a, hetah hian Adele chu zaithiam an tiin an ngaisang hle tih tarlangin, NFL Super Bowl-a zai tur erawh chuan an sawm lo nia tarlan a ni. Pepsi Super Bowl Halftime atan hian zaithiam hrang hrangte zingah tu ber nge zai ang tih ang ngaihtuah a, mahse Adele emaw, midang tumah zai turin an la sawm lo tih an sawi.