Suicide Squad a la ropui zel

Kar hmasa hmasa leh khan tih chhuah a ni a, a hlawhtling hle a, August thlaa movie tihchhuah tawh zinga sum lalut hnem ber a ni. Kar liam ta, kar tawp chhung khan Suicide Squad a la ropui zel a, sum lalut hnem ber a ni leh.

North America box office-te aṭanga kar liam ta chhunga sum lalut hnem ber chu Suicide Squad tho a ni a, USD mtd 43.8 zet a lalut leh. La hlawhtling hle tho mah se, a chhe zawngin record a siam ve leh thung tlat. Kar khatna a sum lakluh ngaihtuahin a kar hnihnaa a sum lakluh tlakhniamna hi za zelah 67.2 zet a ni. Sum lakluh, kar khatna leh kar hnihna inkara sum lakluh tlahniam nasa ber a ni.

Suicide Squad hian US leh Canada bikah USD mtd 222.9 zet a lalut tawh a, khawvel pumah chuan USD mtd 465.4 zet a thawk chhuak tawh a ni.

Sausage Party a rawn che ṭha hle a, kar tawp chhung khan USD mtd 33.6 zet a thawk chhuak. He movie hi Zirtawpni khan theatre 3,103 zetah chhuah a ni a, hemi ni chauh hian USD mtd 13.5 lai mai a hlawh chhuak thei. Pathumnaah hian movie thar tho, Pete's Dragon a awm a, kar tawp chhung khan USD mtd 21.5 a hlawh chhuak. Hei movie hi Cinemascore leh Rotten Tomatoes te chuan an rating an pe ṭha hle.

Box office movies

"Suicide Squad" - $mtd43.8

"Sausage Party" - $mtd33.6

"Pete's Dragon" - $mtd21.5

"Jason Bourne" - $mtd13.6

"Bad Moms" - $mtd11.5

"The Secret Life of Pets" - $mtd8.8

"Star Trek Beyond" - $mtd8.8

"Florence Foster Jenkins" - $mtd6.6

"Nine Lives (2016)" - $mtd3.5

"Lights Out" - $mtd3.2