SAY ten drama inchansiak an buatsaih

Salvation Army, Central North Divisin SAY Council buatsaih Drama Competition chu nimin khan Vanapa Hall-ah neih a ni.

He drama competition-ah hian Corps 10 aṭangin Drama Party 11 ten intihsiakna an bei a, a pumpuiah Aizawl Bethel Corps SAY te pakhatna an ni. Pahnihna chu Dawrpui Vengthar Corps niin, Ramhlun Corps ten lawm≠man pathumna an la. Lawmman pakhatna hian Rs. 30,000, pahnihna Rs. 20,000 leh Pathumna Rs. 10,000 leh trophy a keng tel. A tel zawng zawng hnenah consolation leh special prize pek vek an ni. Best actor-ah Jason L Renthlei (Dawrpui Vengthar Corps) leh Best Actress ah PB Lalhriatpuii (Dawrpui Vengthar Corps) te thlan an ni a, Best Script-ah C Laldudkima (Zemabawk Corps) thlan a ni bawk.

Drama hi SAY thil tum pasarih zinga duh ber thlan chhuah thupui hmangin chan a ni. Chhandamna Sipai Pawl ṭhalai ten tunlai huna rawngbawlna an kalpui dan leh khawvelin a mamawh dan mil ang zela rawngbawlna kalpui ṭulzia tarlan a ni. Judge atan James Lalthanmawia, Lalruatfela Fanai leh Rosy Lalfakzuali te hman an ni.