Kuminah Katy Perry album

Katy Perry chuan kumin hian a studio album pangana tur a tichhuak dawn niin an sawi a, a tih­chhuah hun tur chu tun favang chho vel hi a ni. He album-ah hian tuna a bialpa, Orlando Bloom aṭanga hla a phuah pawh a tel ang.

Tunhnai khan Katy hian 'Rise' hla a ti­chhuak a, mahse he a hla thar hi a album-ah a telh dawn lo niin an sawi. A album tharah hian Swae Lee nena an hla sak dun a dah dawn niin an sawi bawk. Hei bakah a album thar tur chung­chang an sawiah hian a kawmngeih lem loh tak, a lo inhnialpui fo tawh Taylor Swift chungchang pawh a tel dawn niin an sawi. Mahse hei hi chu thu léngvâk vel a ni thung a, awi tur a nih leh nih loh a chiang lo.