Marina Ralte music video pathumna

Zonet Ṭhazual chart-ah pawh kan lo hmuh tawh, Leitlangpui nula zaithiam, Marina Ralte music video pahnihna kan hmu leh mek, a hlawhtlinpui leh i beisei ang.

Lunglei HPC Singing Competition-a top 6 hial thleng thei Marina Ralte hian music video pahnih, hit tak tak a lo tichhuak tawh a ni. 'Hmelṭha nunrawng' khan play a hlawh hle a, chumi hnuah Samuela Chhangte nena an sak 'Lendun i rel ang' tih chu chart-ah pawh a thleng sang pawl a ni leh a, tuna mi pawh hi beisei a sang.

Lengzem lamah kan hmu a, mahse tuna a music video thar hi chu fakna lam hla daih a ni thung. Marina Ralte hla thar hi 'Fak rawh u' tih a ni a, Kimtea Varte phuah a ni. Video hi Fishtail Pics-in an siam a ni a, a dangdaiin a nalh hle. He hla hi MDM Library-ah dahin, TV lamah pawh tihchhuah a ni mek.