Single chart-ah Sia

US Billboard Hot 100-ah chuan Sia a la che ṭha zel a, pakhatnaah a zawnin vawi li a awm ta. 'Cheap thrills' chu hralh a la kal reng a, Major Lazer leh Justin Bieber te hla thar, an sak dun 'Cold water' awm mah se, Sia hian ropuina a la chang zel. Cold Water hi pahnihnaah a awm a, Calvin Harris leh Rihanna hla 'This is what you came for' chu pathumnaah a lang bawk. Sia hi hmeichhe zaithiam, kum 40 pelh tawh hnua Billboard Hot 100-a pakhatna luah thei tlem te zinga mi a ni.