Sangkimi Khiangte Album hmahruai tur music video

Samuela Chhangte nen music video hmuhnawm leh ngaihnawm zet mai an tihchhuah hnuah Sang≠kimi Khiangte chuan music video thar a tichhuak leh tawh a, a ngaihnawm leh hle. Music video a buaipui a, a thar a tihchhuah mek lai hian album pawh a buaipui mek bawk.

Mizo zaithiam leh huhang ngah ṭhin, RTC Lalduhawmi'n love song a sak lai a lo hlawhtlinpui tawh ṭhin hla Sangkimi Khiangte hian a rawn tuaithar a, chu hla chu 'Lunglam ka vai' tih kha a ni. Sangkimi hian he hla hi nalh a ti a, tunlai kan khawvelah hian music hmanraw
ṭha zawk leh recording studio changkang zawkah te sawngbawlin a rawn chhawpchhuak a ni. He hla hi Rohming≠liana phuah a ni a, a video hi Muantea, Gabriel kutchhuak a ni. Sangkimi Khiangte chuan, "A video a fiah a, a fai
ṭha bawk a, a hmuhnawm khawp mai," a ti.

Music video thar a tichhuak chauh a, a dang tihchhuah leh mai tur hmabak a nei bawk. A hla buaipui mek hi John L. Chawngthu leh Zari Sailo te nupa phuah a ni a, 'Sirah hnawlin' tih a ni. Tunah hian record an tifel tawh a, shoo≠ting lam an hmabak mek. Sangkimi hian, "Tunah chuan shooting a ni tawh mai. Audio lam chu engkim kan peihfel tawh" a ti. Mahse tuna a hla tihchhuah thar hi a ngaihchan phawt a rinawm.

Music video pakhat buaipui hi a namai lo hle a, album puitling ngat phei chu a hautak lehzual hle. Sangkimi Khiangte hian album a buaipui mek a, kumin hi chuan tihchhuah theih ngei a inbeisei. A album hming tur leh hla awm zat tur te, eng hlate nge tihte a la sawi lang lo a, a sawi chhuah chin chu tuna music video a tihchhuah thar leh, a buaipui leh mekte hi a album-ah hian a dah tel ang.

"Kumin October thla hi chuan tihchhuah theih ka tum," a ti a, "Eng emaw avanga ka tichhuak thei lo palh hlauh a nih pawhin 'ber thla hi chuan ka tichhuak ngei ngei ang," a ti. Hunawl a nei tam lo a, tunlai tak phei chu a damloh deuh avangin duh angin a hmachhawp hi a bawhzui chak thei lo.