B-town-ten Sakshi Malik an lawmpui

Olympic Games ṭan tirh
aṭanga India-in medal pakhat tal tia ring f‚na a lo thlir chu Haryana-a Rohtak nula, Sakshi Malik chuan hmeichhe inchaiah a rawn tihlawhtling a, Kyrgyzstan nula hnehin kg 58 category freestyle-ah India tan Bronze Medal a la ve ta.

Sakshi Malik-i'n bronze medal a la tih India mipuiten an hriat chiah≠ah lawmpuina chi hrang hrang a dawng nghal. Amah lawmpuitute zingah Bollywood milarte chu a che chhuak hmasa an ni. Amitabh Bachchan chuan Twitter-ah a lawmpuizia hi a tarlang a, India hmeichhiate avangin India chu uang ve thei a ni tih a sawi. A fapa Abishek Bachchan pawhin a pa hnungzui hian Malik hi a rawn lawmpui ve thuai bawk.

Anni pafa bakah hian Akshay Kumar, Karan Johar, Boman Irani leh Aamir Khan te pawh a lawmpui hmasatute zinga mi an ni.

Salman Khan hi Malik duhsakna hlan hmasatute zinga mi ni lo mah se, Olympics-a India aiawha chhuakte tana insengso nasa ber a ni ang. Nilaini khan Salman Khan hian India aiawha Olympics-a tel athlete te hnenah Rs. 101,000
ṭheuh a pe. Salman hi Olympic Games-a Indian contingent te tana goodwill ambassador a ni. "Ka tan chuan Indian Olympic Contingent ṭheuhte hi superstar an ni. Minute khat emaw, a ṭhen chu second tlÍm tÍ chauh atan kum li chhung an lo inbuatsaih tawh a ni," a ti.