Asus ZenFone 3 series tichhuak

Nilaini khan India ram pumah Asus chuan an phone thar, Asus Zen≠Fone 3 series an tlangzarh. He phone hi May thla khan Taipei-ah Asus chuan an lo phochhuak tawh a, an phochhuah hnu thla thumnaah India-ah an tlangzarh ve ta.

Electronics lama Taiwan company lian Asus (ei-s˚s tia lam tur/ /ei'su:s/) hian Zenfone 3, Zenfone 3 Deluxe leh ZenFone 3 Ultra te an tlangzarh a, Taiwan-a an man zat ang vel tur thoa zawrh chhuah a nih rinawm. Hetiang a nih chuan Zen≠Fone 3 pangngai hi Rs. 16,800 vel aṭangin a in-
ṭan ang a, Deluxe hi Rs. 33,600 man vel tur leh Ultra hi Rs. 32,200 man vel tur a ni ang.

ZenFone 3 bik hi a display inchi 5.5-a hlai a ni a, processor-ah Octa-core a hmang. A hmalam camera hi 8MP a ni a, RAM hi 3GB niin, storage hi 32GB a ni a, a hnung lam camera hi 16MP niin, battery hi 3000mAh a ni. Deluxe hi inchi 5.7-a hlai a ni a, quad-core processor niin, front camera hi 8MP a ni a, rear camera hi 23 MP a ni thung. Battery hi 3000mAh a ni a, 6GB RAM niin, storage hi 64GB a ni.

Ultra hi a hmai a hlai hle a, inchi 6.8 zet a ni a, resolution hi 1080 x 1920 pixel a ni. Octa core a hmang a, a hmalam camera hi 8 MP a ni a, a hnung lam thung hi 23 MP a ni. 4GB RAM niin, storage hi 64 GB a ni a, battery hi 4600 mAh a ni.

[Samsung hi a lam dan turah mi tam tak kan buai. SÈmsang emaw Samsung ti emawa lam loin, SÈmsung tia lam tur a ni)]