Hmingtea Thla 12 chuang hnuah a hla ngai a rawn tuaithar

Zaithiam bawk, l‚m thiam bawk Hmingtea chu thla 12 chuang ngawt a reh hnuah video thar a rawn tichhuak ve leh ta hr‚m. Video a tihchhuah avang hian a reh lehnghal vang vang dawn lo a, kuminah a dang hmuh kan beisei leh thei ang.

Hmingtea hian nikum kumtir lam khan 'Hnehtu ropui' music video a tichhuak a, Ṭhazual chart lamah pawh a hlawhtling hle a nih kha. Khami hnua a hmasa leh ber tur chu tuna mi hi a ni. Tunkar khan a music video thar a tichhuak leh a, a video hi a thar ni mah se, a hla erawh chu a ngai thung.

Hmingtea music video tihchhuah thar hi 'Hnehtu ropui 2' a ni a, 'Hneh≠tu ropui' hla tho kha a ni a, a music video e≠rawh a danglam thung. 'Hnehtu ropui 2'-ah hian hmun hrang hranga Hmingtea zaina hmunte dah a ni tawh thung a, a hmaa a music video pangngai ang kha a ni tawh lo a ni. "Hmun hrang hranga ka zaina video te ka lakhawm a, tuna ka music video siam tharah hian ka belkhawm a, hmun 14 vel laia ka zaina a ni ‚wm e," a ti.

Music video thar a nei kh‚t a, a l‚m pawh kan hmu kh‚t. Hetiang taka Hmingtea a rehna chhan hi amah Hmingtea chuan sawiin, "Mizoram University-ah Mass Communication ka zir mek a, ka zirna lamah ka rilru zawng zawng pÍk ka duh avangin ka ngawi rih a ni," a ti. Hmingtea hian a zirlai ṭha taka tih a duh a, chuvang chuan music lam a hawi hlei thei lo; sawmtu an awm erawh chuan, hun a neih bawk chuan tihhlawhtlin erawh a tum ṭhin.

Tuna a music video tih≠chhuah hi kumin atan a duh tawk mai dawn lo. Hmingtea hian kumin hian music video dang tih≠chhuah a tum a, hun a neih ve leh a inbuatsaih nghal ang. Hei bakah hian recording tih tawh sa te pawh hla eng emaw zat a nei. Hmingtea hian hmachhawp lian tak a neih pakhat chu ama hla phuahte audio-a dah a, MDM-a download theiha dah a tum. L‚m pawh a la tuipui zel a, a theih chin chinah amah pawh a inzir zel. Hmingtea hian sawmtu a neih dan angin hmun hrang hrangah l‚m a zirtir ṭhin bawk.