Travis Scott-a'n a hla thar debut: A sum hmuh kangmei tuarte tan hlan vek dawn

Rapper Travis Scott (II) chuan January 20 khan Atlanta Mercedes-Benz Stadium-a College Football Playoff National Championship halftime show neihnaah a hla thar, '4x4' a rawn sa. He hla hi kum 2023-a 'Utopia' album a siam hnua solo a neih leh hmasa ber a ni.

'4x4' hi official chuan January 24-a tih chhuah a ni ang.He hla aṭanga sum a hmuhte chu Los Angeles ram kang tuartute chhawmdawlna turin Direct Relief's California Wildfire Response Fund atan a hlan vek dawn tih a sawi. '4x4' hi WWE Monday Night Raw official theme song tur a ni bawk. Los Angels kangmei chhuak tuarte ṭanpuina tur hian mi lar tam tak an che chhuak tawh a, ṭanpuna sum ṭhahnem tham tak thawhtu zingh hian Beyonce, Paril Hilton, Leonardo DiCaprio, Eva Longoria, Arnold Schwarzenegger bakah The Eagles leh Metallica band te pawh an tel.