Grammy Awards host atan Trevor Noah

South African comedian Trevor Noah chu 2025 Grammy Awards host turin tih chian a ni ta, a kum zawna kum nga a host-na tur a ni ang.

67th annual Grammy Awards hi February 2 hian Crypto.com Arena, Los Angeles-ah neih a ni dawn a, he show hi Los Angeles ram kang nasa tak tuartute leh huaisen taka kangṭhelha hna thawktute chhawmdawlna tur vehbur khawnna atan hman a ni nghal dawn bawk. Trevor Noah hi host a nih bakah, kumina awards neih turah hian producer a ni bawk. Show hi CBS Television Network-ah pek chhuah a nih bakah, Paramount+ ah live a ni bawk ang. Nikum November thla khan nominee te hi puan ni tawhin, Beyonce Knowles chuan nomination 11 hmuin a hmu hnem ber a ni. Charli XCX leh Post Malone ten dawtin nominaton pariat ve ve an hmu a, Kendrick Lamar leh Billie Eilish ten pasarih hmuin Taylor Swift, Sabrina Carpenter leh Chappell Roan ten nomination paruk ṭheuh an hmu bawk.