Zothanpuii music video pahnihna 'Peniel'

LPS Youth Icon 2019 Zothanpuii chuan zanin dar 8 hian a music video pahnihna 'Peniel' a tichhuak dawn.

He hla hi Lalrinchhana Hrahsel phuah a ni a, music leh recording chu Larry-a (Gosen Studio) kut chhuak niin, video chu Zochawi (KTCA) kut chhuak a ni thung.

Peniel hla hi Jacoba leh Pathian an inbuanna behchhana siam a ni a, harsatna karah pawh Lalpa chakna kan rinchhan a pawimawh zia te, nun chinralna taktak a pawimawh zia te, damna te, hlimna leh lawmna kan nunah a lo thlen hian, chung malsawmna min petu Lalpa hi kan nunah a lawm ve em tia inzawhna hla a ni.

Zothanpuii hla thar hi Vanlalsailova Official Youtube Channel-ah thlira ngaihthlak theihin dah a ni ang. September 10 khan a music video hmasa ber 'Humhimna' a tlangzarh tawh bawk.