Sachin Tendulkar Foundation anniversary lawmnaah Chris Martin

India rama concert neia cham mek, Coldplay singer Chris Martin chuan Nilaini khan Mumbai-a Sachin Tendulkar Foundation 5th anniversary lawmna a telpui. Sachin pawh hian a hma lawkin Mumbai-a Coldplay concert chu a lo chhim ve bawk.

Sachin Tendulkar Foundation hi Sachin leh a nupui, Anjali Tendulkar ten an din niin health, education leh sports lamah dinhmun harsa leh rethei zawkte ṭanpui leh chawikan hna an thawk a ni. An kum nga tlin lawmna hi Bombay Club-ah an buatsaih a, hemi nia an theme atan hian 'Shine Brighter Together' tih an hmang. Coldplay hian India ramah tour nei mekin, January 18, 19 leh 21 khan Mumbai-ah an concert tawh a, January 25 leh 26 hian Ahmedabad-ah an chhunzawm ang. January 26-a an concert tur hi India Republic Day lawmna puala thilpek atan Dinsey+Hotsar-ah live in an pe chhuak tel dawn a ni.